Олимпиада учун терма жамоага киритилмаган эронлик волейболчи: "Мафия ҳамма нарсани ҳал қилади. Мураббий - бу қўғирчоқ ва шунчаки пул қидиради"

"Волейбол федерацияси раҳбари мени юз фоиз олимпия таркибида бўлишимга ишонтирди ва бу менинг терма жамоага қайтишим учун туртки бўлди.

Менинг қайтишим миллий терма жамоада қийинчиликларни бошдан кечираётгани билан боғлиқ эди. Бундай шароитда мен терма жамоага ёрдам беришга рози бўлдим, аммо мураббий дарҳол: "Келганингиз учун ташаккур",- деб мени қўйиб юборди. Жамоадаги муҳит бу қадар ифлос деб ўйламагандим.

Ҳамма нарсани ҳал қиладиган мафия бор. Мени терма жамоада кўришни истамаган гуруҳ бор.

Алекно умуман ҳеч нарсани ҳал қилмайди ва қўғирчоқ. У ҳатто баъзи ўйинчиларнинг исмларини ҳам билмайди. Алекно Эрон волейболи ҳақида ҳеч нарса билмайди ва шунчаки пул қидиради!", - дея Гаемининг сўзларидан иқтибос келтиради Mashregh News.

Терма жамоа менежери эса бу гап-сўзларга қуйидагича муносабат билдирди:

"Мафия? У нима ҳақида гапираётганини билмайман. Агар терма жамоада қандайдир мафия бор деб тахмин қилсак, у Гаемини бир неча йиллардан бери таклиф қилиб келаётган экан.

Бахтимизга, овоз бериш ҳуқуқига эга бўлган, жаҳон миқёсидаги таниқли мураббий Алекно энди миллий терма жамоа билан ишламоқда. Бундай мураббийлар ҳеч кимга маслаҳат беришига умуман йўл қўймайди", - деди Эрон миллий терма жамоаси бош менежери Амир Хошхабар.