ОЛИМПИАДАГАЧА. Сиднейдаги Олимпиада Ўзбекистон учун қандай ўтган? (Мутолаа учун)

Делегациямиз вакиллари 12 та спорт туридан 70 нафар спортчи (52 нафар эркак, 18 нафар аёл) билан ўйинларда Ўзбекистон шарафини ҳимоя қилган.

Қайси спорт туридан неча нафар спортчи иштирок этган? 

Бокс - 10 нафар 

Эркин кураш - 6 нафар 

Юнон-рум кураши - 5 нафар 

Спори гимнастикаси - 1 нафар 

Байдарка ва каноеда эшкак эшиш - 1 нафар 

Дзюдо - 7 нафар 

Енгил атлетика - 22 нафар 

Сузиш - 10 нафар 

Камондан отиш - 3 нафар 

Оғир атлетика - 2 нафар 

Қиличбозлик - 1 нафар 

Теннис - 1 нафар 

Трамплиндан сакраш - 1 нафар.

Совриндорлар 

Ўзбекистоннинг Олимпия ўйинлари тарихидаги дастлабки олтин медали айнан ушбу мусобақада қўлга киритилган. Бокс бўйича 63.5 кг вазн тоифасида Муҳаммадқодир Абдуллаев тўрт йилликнинг энг нуфузли турнирида тенгсиз бўлган. Кураш бўйича оғир вазнда Артур Таймазов финалга қадар етиб бориб, якунда кумуш медал билан кифояланган. Шунингдек, бокс бўйича 81 кгда Сергей Михайлов ва +91 кгда Рустам Саидов бронза медалларини ўзиники қилган.

Ўзбекистон ушбу натижа билан медаллар жамғариш бўйича умумжамоа ҳисобида 43-ўринни банд этган. Рейтингнинг биринчи поғонасини АҚШ (37 та олтин, 24 та кумуш, 32 та бронза), иккинчи ўрнини Россия (32 та олтин, 28 та кумуш, 29 та бронза) эгаллаган бўлса, кучли учликка эса Хитой (28 та олтин, 16 та кумуш, 14 та бронза) якун ясаган.

Австралияда бўлиб ўтган Олимпия ўйинларида 199 та мамлакатдан 10651 нафар спортчилар иштирок этган.

Ҳабиб Жўрабоев тайёрлади