Оливейра ҳатто спорт комиссияси ҳам унинг мағлуб бўлишини истаганини айтди

Ёдингизда бўлса, жангдан аввал бразилиялик ММАчи вазн қила олмаган, ва натижада чемпионлик камаридан айрилган эди. Чарльз жангда ғалаба қозонганига қарамасдан, ўз камарини сақлаб қола олмаган эди.

Оливейранинг фикрича, Аризона штати спорт комиссияси унинг мағлубиятга учрашини хоҳлаган. Маълумот учун , Гэтжи Аризона штатида истиқомат қилади.

"Оёғимни чопиб ташлашса ҳам, ўша вазнни кўрсатардим. Спорт комиссияси мени "синдирди". Бу рост. Улар мени камардан айиришни, менга психологик таъсир ўтказишни исташди, бироқ ҳеч нарса бўлмади. Бутун дивизион, қолаверса дунёга енгил вазн чемпиони эканлигимни кўрсатиб қўйдим. Уларнинг мени "синдиришга" бўлган уринишлари муҳим эмас, мен — чемпионман", - дея Оливайранинг сўзларини келтиради ESPN нашри.

Илгарироқ, Чарльз Оливейранинг Ислам Махачевга қарши жанги шу йилнинг ўзида ўтказилиши мумкинлиги ҳақида хабар берган эдик.