Оливейрага ғалаба берган ҳакам Царукяндан кечирим сўради

Бу ҳолат деярли барча ММА оммасини ажаблантирганди. Царукяннинг ғолиб эълон қилинаётган пайтдаги ҳолатини кўргандирсиз. Оливейрага ғалаба тақдим этган ҳакам хатосини тушуниб етган кўринади, у арманистонлик жангчидан бунинг учун узр сўради. 

Бу ҳақда "Ахалкалакец" Даниэль Корьмега берган интервьюсида маълум қилган.

"Ҳакам учинчи раунддаги ғалабани Оливейрага берди. Ҳакам мураббийимга қўнғироқ қилиб, "сизлар ҳақ эдинглар, мен ғалабани Оливейрага бермаслигим керак эди. Бунинг учун узр сўрайман" дебди. Агар мағлубиятга учраганимда, ўша ҳакамни ўлдирардим. У сал қолганда менинг фаолиятимни барбод қиларди. Танаффуссиз машғулотлар, азобли вазн ташлашлар, сизларнинг жангимни кутишларингиз, якунда мана бундай драма. Билмадим, ҳакам жангни бошқа позициядан кўргандир. Ўтган йили рефери айнан шу рефери, яъни Майк Белл бир ўзи Алекса Грассо ва Валентина Шевченко ўртасидаги жанг тақдирини ҳал қилганди. У сўнгги раундни 10-8 ҳисобида мексикаликка тақдим этганди. Бу билан ҳакам Шевченкони чемпионик камарини қайтариб олиш ҳуқуқидан маҳрум қилганди", - деди Царукян. 

Эслатиб ўтамиз, даъвогарлик мақомидаги Арман Царукян - Чарльз Оливейра жанги UFC 300 турнири доирасида ўтказилганди. Уч раунд тўлиқ давом этган жангда Арман ҳакамларнинг айри қарори билан 28-29, 29-28, 29-28 ҳисобларида ғалаба қозонганди.