Олти теннисчи келишилган ўйинлар учун турли йилларга "кесилди", ташкилотчи қамалди

Ташкилот расмий сайтида берилган хабарга кўра, олти теннисчидан беш нафари ўз айбига иқрор бўлган. Жером Инцерильо, Давид Гуэз ва Роман Бови 4 йилдан 5 йилу 7 ойгача барча теннис фаолиятидан четлатилди ҳамда 25 мингдан 50 000 долларгача жаримага тортилди. 

Янник Янковиц ва Франсуа-Артур Вибер мустақил антикоррупцион эксперт томонидан текширувдан ўтказилди. Улар мос равишда 2 йил ва 2 йилу 3 ойга дисквалификация қилинди. Агустин Мойано ўзига қўйилган айбловларни инкор этгани учун 15 йилга четлатилди ва 10 000 доллар жаримага тортилди. 

Ушбу келишилган ўйинлар бош ташкилотчиси ҳисобланган Григор Саркисян эса 5 йилга озодликдан маҳрум қилинди. У 2017-2018 йилларда юқорида исм-шарифи келтирилган теннисчилар иштирокида келишилган ўйинларни ташкил этган.