27 ноя 09:10
Янгиликлар
Кураш
Олтин Гран-При. Феруз Тўхтаев кумуш медал совриндори!
Озарбайжон пойтахти Боку шаҳрида спорт курашлари бўйича Олтин Гран-При турнири бўлиб ўтди.
Ушбу нуфузли турнирда эркин ва юнон-рум кураши бўйича Ўзбекистон терма жамоаси полвонлари ҳам ўз маҳоратларини намойиш этишди.
Ҳамюртларимиздан биргина Феруз Тўхтаев мусобақа совриндори бўлди. Юнон-рум курашининг 59 кг вазн тоифасидаги баҳсларида гиламга чиққан Тўхтаев кумуш медал совриндорига айланди.
Феруз аввалига ҳиндистонлик Гаурав Шармани 8:0, чорак финалда озарбайжонлик Карим Жаъфаровни 6:3, ярим финалда россиялик Мингиян Семеновни 10:8 ҳисобида мағлуб этди.
Ҳал қилувчи финал учрашувида эса япониялик Кеничиро Фумитога кичик 4:5 ҳисобида ютқазиб, кумуш медал билан тақдирланди.
Фото. Спорт курашлари ассоциацияси матбуот хизмати
Ҳавола :
Манба : olamsport.com
Фикрлар