Онлайн маҳорат дарслари давом этмоқда. Навбат Навоий вилояти ёшларига

Хабарингиз бор, Ўзбекистон Жисмоний тарбия ва спорт вазирлиги, Миллий Олимпия қўмитаси ҳамда Ўзбекистон стол тенниси федерацияси билан ҳамкорликда республикада стол тенниси спорт турини янада ривожлантириш ва оммалаштириш мақсадида стол тенниси бўйича Ўзбекистон чемпионати, кубоги ва халқаро мусобақалар ғолиб ва совриндорлари томонидан ёш авлодларга «ЗООМ» иловаси орқали онлайн маҳорат сабоқларини ўтказилмоқда.

Бугун навбатдаги онлайн маҳорат дарсини халқаро тоифадаги спорт усталари, Нодира Бурхонхўжаева ва Римма Гуфранова Навоий вилояти ёш стол теннисчилари учун ташкил этиб берди. Ўзига хос онлайн мастер классда тажрибали спортчимиз бўлажак ёш стол тенниси юлдузларига қизиқарли ва керакли машқларни намойиш этиб берди. Қизиқарли кечган машғулотдан сўнг ёш стол теннисчилари Нодира Бурхонхўжаева ва Римма Гуфрановага ўз миннатдорчиликларини билдириб ўтишди.

Ўзбекистон стол тенниси федерацияси матбуот хизмати