11 май 15:56
Янгиликлар

Теннис

Онс Жабер учун Рим таътиллари якунланди

Дунёнинг тўққизинчи ракеткаси Онс Жабер Римда давом этаётган WTA 1000 тоифасига кирувчи турнирдаги иштирокини якунлади.

Тунислик теннисчи Internazionali BNL d'Italia турнирининг 1/32 финал босқичида WTA рейтингида 58-поғонада бораётган америкалик София Кенинга уч сет натижасига кўра имкониятни бой бериб қўйди - 5/7, 6/2, 4/6.

Кенин теннисчиларнинг ўзаро учрашувларида катта фарқ билан ҳисобда олдинда бормоқда - 6:2. Икки соату 19 дақиқа давом этган баҳсда Жабер 9 та эйс зарбасини амалга оширган. Софияда бундай зарбалар бўлмади. Иккала теннисчи ҳам 5 тадан қўшхатога йўл қўйди. Брейклар ҳам бир хилда - 6 тадан бўлди.