Ортис: "Мени ҳимоя қилганинг учун раҳмат, Худойим"

Кеча тонгда Нью-Йоркдаги "Мэдисон Сквер Гарден"да катта бокс оқшоми ўтказилди. Ушбу оқшомнинг марказий жангида учта вазнда собиқ жаҳон чемпиони, 34 ёшли украиналик Василий Ломаченко (16-2, 11 KO) ҳамда америкалик 26 ёшли Жэмейн Ортис (16-0-1, 8 KO) тўқнаш келди. Жанг тўлиқ, ўн икки раунд давом этди ва унда ҳакамлар қарорига кўра, Ломаченко ғалаба қозонди.

Ортис ижтимоий тармоқлар орқали мазкур жангга қуйидагича муносабат билдирган:

"Кечаги оқшомда рингда мени ҳимоя қилганинг учун раҳмат, Худойим. Кечаги оқшомда мен билан бирга бўлган барча ҳамкорларим, оила аъзоларим, дўстларим ва мухлисларим — мен сизларни чин дилдан қадрлайман. Қайтиш кучли бўлади", - деб ёзган Жэмейн.