24 ноя 10:01
Янгиликлар

Дзюдо

Осака “Катта Дубулға”. Жаҳон чемпионини мағлуб этган Бобонов 1/4 финалга чиқди!

Осакада ўтаётган “Катта Дубулға” туркумига кирувчи турнир ўзининг қизғин палласига кириб бормоқда.

Алишер Юсупов ва Муҳаммадкарим Ҳуррамовдан сўнг учинчи вакилимиз Давлат Бобонов ҳам мусобақанинг чорак финалига йўл олди. Бобонов кетма-кет учта беллашувни ўз фойдасига ҳал қилди.

У аввалига америкалик Жон Жейн, кейин чехиялик Дэвид Кламмерт, учинчи босқичда эса амалдаги жаҳон чемпиони, ўтган йилги Осака турнирининг кумуш медали совриндори, шу йилги Екатеринбург “Катта Дубулға” турнири ғолиби, голландиялик Ван Т Энд Ноэлни мағлубиятга учратди.

Бироздан сўнг ҳамююртимиз мусобақанинг ярим финал йўлланмаси учун япониялик Санширо Мураога қарши татамига чиқади. Бу беллашувда ҳам дзюдочимизга омад тилаймиз ва ғалаба кутиб қоламиз!