08 апр 19:39
Янгиликлар

Бошқалар

О'Салливанни мағлуб этган Уильямс Tour Championship ғолибига айланди

Снукер бўйича нуфузли Tour Championship — 2024 рейтинг турнири ўз якунига етди.

Финал учрашувида Марк Уильямс ҳамда бильярд афсоналаридан бири Ронни О'Салливан бильярд столи атрофида жам бўлди. Жами 10 та фреймда умумий 10:5 ҳисобида ғалаба қозонган Уильямс мусобақа ғолибига айланди.

Мусобақанинг умумий мукофот жамғармаси 500 минг фунт стерлингни ташкил қилади. Чемпионга умумий суммадан 150 минг фунти тегади. Ўтган йилги финалда Шон Мёрфи Кайрен Уилсонни 10:7 ҳисобида мағлубиятга учратган эди.

Эслатиб ўтамиз, О'Салливан икки йилдан бери дунё снукерчилар рейтингида биринчи ўринни ҳеч кимга бермай келяпти. Уильямс эса рейтингнинг 8-поғонасидан жой олган. У 1/2 финалда рейтингнинг учинчи поғонасидан жой олган Марк Аллендан устун келганди.