18 мар 18:28
Янгиликлар

Кураш

Осиё чемпионати ҳакамлари учун семинар ўтказилди + ФОТО

Эртага Тожикистон пойтахти Душанбе шаҳрида кураш бўйича катталар ўртасидаги Осиё чемпионати бошланади.

Ўз тарихида XI маротаба ташкил этилаётган қитъа чемпионатида Осиёнинг 26 давлатидан сара курашчилар жами 15 та (7 та эркаклар, 8 та аёллар) вазн тоифасида баҳсларга киришадилар. Эртага мусобақанинг биринчи куни эркаклар ўртасида -66, -81, -90, +100 кг, аёлларда эса -57, -70, -87 кг вазнларда ғолиб ва совриндорлар номи маълум бўлади.

Бугун эса Осиё чемпионати доирасидаги бир нечта тадбирлар ўтказилди. Хусусан, мусобақа ҳакамлари учун семинар ташкил этилди. Унда Осиё Кураш Конфедерацияси ҳакамлар ҳайъати томонидан яна бир бор қоидалар тушунтирилди.