Осиё чемпионати: Кундузги дастурда икки боксчимиз финал чиптасини ҳал қилди, Нигина Ўктамова мусобақани бронза медали билан якунлайдиган бўлди

Бугун мусобақанинг кундузги дастурида ўзбекистонлик уч нафар боксчи ўз жангларини ўтказишди.

Жавоҳир Абдураҳимов (75 кг) ҳамда Жасурбек Йўлдошев (85 кг) ярим финал доирасидаги баҳсларда ғалабага эришган бўлса, Нигина Ўктамова ушбу босқичда ҳиндистонлик рақибаси олдида ожиз қолди.

Кунлузги дастур натижалари:

-57 кг: Нигина Ўктамова - Жасмин (Ҳиндистон), (Очколар ҳисобига кўра, 2:3)

-75 кг: Жавоҳир Абдураҳимов - Акаш (Ҳиндистон), (Очколар ҳисобига кўра, 4:1)

-85 кг: Жасурбек Йўлдошев - Локеш (Ҳиндистон), (Очколар ҳисобига кўра, 5:0).

Кечги дастурда яна уч нафар ҳамюртимиз рингга чиқади:

-60 кг: Абдураҳмон Маҳмуджонов - Оразбек Ассилкулов (Қозоғистон) 14:30

-80 кг: Фазлиддин Эркинбоев - Минсеонг Ким (Жанубий Корея) 15:15

-90 кг: Ҳалимжон Мамасолиев - Тоғамбай Сагиндик (Қозоғистон) 15:45.