01 фев 20:46
Янгиликлар

Бокс/ММА

Осиё чемпионати совриндори бўлган ўзбек боксчиси проф боксда дебют қилди

Россия Федерациясининг Калининград шаҳрида профессионал бокс оқшоми ўтказилмоқда.

Кеча доирасида Осиё чемпионати совриндори Шукуржон Раҳимов профессионал боксдаги илк жангини ўтказди.

Иккинчи ярим енгил вазн тоифасида ўтказилган жангда ҳамюртимиз Жанубий Африка Республикаси вакили Рипфумело Чиквамбанага қарши рингга кўтарилди.

6 раундга мўлжалланган жангни ҳамюртимиз устунлик билан ўтказди. Баҳс тўлиқ давом этди ва якунда ҳакамлар бир овоздан Шукуржон Раҳимовнинг ғалаба қозонганини қайд этишди.

Маълумот учун, африкалик боксчи шу кунгача 9 та жанг ўтказиб уларнинг 6 тасида ғалаба қозонганди. 3 маротаба мағлуб бўлганди. Раҳимовга қарши жанг Рипфумело учун фаолиятидаги 10-жанг бўлди.