18 апр 08:40
Янгиликлар
Бошқалар, Шахмат
Осиё чемпионатининг блиц баҳсларида 22та медалга эга бўлдик + ФОТО
Шу кунларда пойтахтимизда шашка бўйича Осиё чемпионати бўлиб ўтмоқда.
Аввалига 64, кейин эса 100 катакли шашка бўйича қитъа чемпионатининг ғолиб ва совриндорлари аниқланади. Осиё чемпионатининг илк куни блиц йўналишида ғолиблар номи маълум бўлди.
Қувонарлиси, ушбу баҳсларда ҳамюртларимиз жами 22та медални қўлга киритишди. Улардан 6таси олтин, 6таси кумуш, 10таси бронза медалларидир. Бу эса терма жамоамиз шашкачиларининг умумжамоа ҳисобида биринчи ўринни эгаллашини таъминланади.
Маълумот учун, Осиё шашка федерацияси қитъа чемпионати мезбонлигини қаторасига учинчи маротаба пойтахтимизга ишониб топширган.
Ҳар икки йилда бир
бор ташкил этиладиган Осиё чемпионати 2013 ва 2015 йилларда ҳам Тошкент шаҳрида
бўлиб ўтганди. Ҳали шу пайтгача ҳеч бир давлатга бундай имконият ва имтиёз берилмаган
эди.
Ҳавола :
Манба : olamsport.com
Фикрлар