Осиё от спорти федерацияси президенти Самақанднинг энг сара отларини кўздан кечирди (видео)

Ўзбекистон йилқичилик ва от спорти федерацияси томонидан мазкур спорт турининг моддий-техник базасини мустаҳкамлашга қаратилаётган эътибор юртимизда зотдор отларни етиштириш ва парваришлаш, от спорти тузилмаларини зарур восита ва анжомлар билан таъминлаш, жойларда замонавий мактаблар фаолиятини янада кучайтириш, ёш чавандозлар билан тизимли машғулотлар олиб бориш, тажрибали чавандозларнинг халқаро мусобақаларда муносиб иштирок этишига эришиш, нуфузли мусобақаларни халқаро талабларга мувофиқ ташкил этишга хизмат қилмоқда. Мунтазам ташкил этилаётган чемпионат ва биринчиликлар ёш спортчиларнинг тажриба ва маҳоратини оширишга хизмат қилмоқда.

Фахрлари меҳмон вилоятда соҳани янада ривожлантириш бўйича ўз тавсияларини берди. Эслатиб ўтамиз, Осиё от спорти федерацияси президенти Ҳамад Бин Абдулраҳмон Ал Аттия илк хориж сафарини айнан юртимиздан бошлаган эди. Унинг бошчилигидаги делегация аввалроқ Ўзбекистон Миллий олимпия қўмитаси, пойтахтимиздаги Ҳазрати Имом (Хастимом) мажмуаси, шунингдек, "Марказий ипподром" от спорти базаси, "Babos" от спорти клуби фаолияти билан ҳам яқиндан танишган эди.