11 май 10:19
Янгиликлар
Дзюдо, От Спорти, Самбо
Осиё ўйинлари совриндори 4 йилга дисквалификация қилиниши мумкин
Хабарингиз бор, жорий йилнинг 25 март куни Россия пойтахти Москва шаҳрида самбо бўйича «Мемориал Харлампиев» номли жаҳон кубоги баҳслари ўтказилган бўлиб, мазкур турнирда ўзбекистонлик самбочилар ҳам муносиб иштирок этишган эди.
Ушбу халқаро турнирда -98 кг вазнда иккинчи ўринни эгаллаган Дилшод Чориевдан (спортча самбо) олинган допинг-синамада “мельдоний” тақиқланган моддаси аниқланганлиги сабабли текшириш бошланди.
Бутунжаҳон антидопинг агентлигининг Тақиқланган рўйҳатига кўра, мельдоний моддаси 2016 йилдан бери Рўйҳатнинг “S4. Метаболизм гормонлари ва модуляторлари” гуруҳига киритилган бўлиб, допинг деб ҳисобланади.
Агарда, қайта текшириш натижасига кўра Д.Чориевдан “мельдоний” тақиқланган моддаси борлиги расман тасдиқланса спортчи 4 йилга дисквалификация қилиниши мумкин.
Маълумот учун, Дилшод Чориев дзюдо бўйича Осиё ўйинларида икки бор кумуш медални қўлга киритган. Шунингдек, Осиё чемпиони ва Жаҳон чемпионати совриндори ҳисобланади
Ҳавола :
Манба : uznada.uz
Фикрлар