Осиё ўйинлари тарихи: 9 та олтин билан кучли ўнликка кира олмаган Ўзбекистон. Инчеон-2014ни ёдга оламиз

Биз сайтимиз орқали Ўзбекистоннинг Осиё ўйинларидаги иштирокига оид маълумотларни эътиборингизга ҳавола қиламиз. 

Ҳисоб бўйича XVII Осиё ўйинлари 2014 йилнинг 19 сентябрь - 4 октябрь кунлари кунлари Жанубий Кореянинг Инчеон шаҳрида ўтказилган. 

Ушбу мусобақада Ўзбекистон шарафини 31 спорт турида 291 нафар спортчи ҳимоя қилган. Мусобақа якунига кўра терма жамоамиз аъзолари 9 та олтин, 14 та кумуш ва 22 та бронза медалини қўлга киритишган. Умумий ҳисобда 45 та медалга эга чиққанмиз. 

Очилиш маросимида дзюдочи Ришод Собиров байроқдор вазифасини бажарган. 

Делегациямиз мусобақа якунига кўра, 11-ўринни эгаллаган. Мазкур Осиё ўйинлари Ўзбекистон кучли ўнликка кира олмаган ягона Осиё ўйинларидир. 

Ўзбекистон спорт делегациясида олтин медаль қўлга киритган спортчилар (9 та олтин):

1. Светлана Радзивил (енгил атлетика, баландликка сакраш)

2. Екатерина Воронина (енгил атлетика, кўпкураш)

3. Вадим Меньков (эшкак эшиш, С-1, 1000 метр)

4. Алексей Мочалов (эшкак эшиш, K-1, 1000 метр)

5. Валерия Давидова, Равилия Фархутдинова, Жамила Раҳматова, Анастасия Сердюкова (бадиий гимнастика, жамоавий)

6. Жасур Бойқўзиев (таэквондо)

7. Бекзод Абдураҳмонов (эркин кураш)

8. Рашид Қурбонов (эркин кураш)

9. Рустам Ассакалов (юнон-рум кураши)