21 сен 10:47
Янгиликлар
Теннис
Осиё ўйинларида иштирок этувчи теннисчиларимиз орасида Камилла, Мария ва Полина йўқ! Нега?
Осиё ўйинлари дастуридан ўрин олган теннис мусобақаси Лос-Анжелес-2028 Олимпиадасига йўлланма бериши билан аҳамиятли ҳисобланади.
Ўз вақтида (Жакарта/Палембанг Осиё ўйинлари-2018) Денис Истомин яккалик баҳсларидаги чемпионлиги ортидан Токио-2020 Олимпиадаси лицензиясини қўлга киритган эди.
Афсуски, Аичи-Нагоя-2026 Осиё ўйинларида иштирок этувчи Ўзбекистон аёллар теннис терма жамоасининг таркибидан биринчи, иккинчи ҳамда учинчи ракеткаларимиз - Камилла Раҳимова, Мария Тимофеева ва Полина Кудерметова ўрин олмади.
Халқаро теннис федерацияси Россиядан маҳаллийлаштирилган бу теннис маликаларимизга ҳали бундай комплекс мусобақаларда Ўзбекистон байроғи остида қатнашиш ҳуқуқини бермаган.
XX Осиё ўйинларида қатнашадиган терма жамоамиз таркиби:
Сергей Фомин
Ҳумоюн Султонов
Максим Шин
Дарья Шубина
Севиль Юлдашева
Ҳавола :
Манба : olamsport.com
Фикрлар