Оскар Де Ла Хойя Жейрон Эннис билан жанг учун Вержил Ортис фойдасига 60/40 гонорар бўлишини талаб қилмоқда

У ярим ўрта вазн тоифасида собиқ жаҳон чемпиони Жейрон Энниснинг манфаатларини ҳимоя қилувчи ҳамкасби Эдди Хирнга шарт қўйди. Де Ла Хойянинг таъкидлашича, бу боксчилар ўртасидаги жанг фақат Ортис фойдасига гонорар 60 га 40 нисбатида тақсимлангандагина бўлиб ўтиши мумкин.

"Мен ён бермайман, - деди Оскар ижтимоий тармоқларда эълон қилинган видеода. - Бу жангни уюштиришни сиз сўраяпсиз, шунинг учун шартга рози бўлинглар... Виржилнинг супер жанглар учун икки ёки уч потенциал рақиби бор. Унинг вариантлари етарли. Далласдаги стадионда Эррол Спенсга қарши жангини тасаввур қилинг. Ёки Лас-Вегасда Себастьян Фундора билан мегажанг. Эннис ҳам Ортиснинг режаларига киради, лекин у кейингиси бўлиши шарт эмас".

Эслатиб ўтамиз, Эннис ва Ортис ўртасидаги жанг ҳақидаги гап-сўзлар бир неча йил олдин бошланганди. Ўшанда уларнинг иккиси ҳам фақат истиқболли ярим ўрта вазн тоифаси жангчилари эди, аммо кейин боксчилар турли вазнларга тушиб қолгани сабабли маълум вақт жим бўлиб қолишди. Эннис биринчи ўрта вазн тоифасидаги дебютини 2025 йил октябрь ойида муваффақиятли ўтказди ва унинг вакиллари дарҳол Ортис билан жанг бўйича музокараларни қайта бошладилар.