19 ноя 12:25
Янгиликлар

Бошқалар

Ўсмир акробатлар баҳсида янги номлар кашф этилди

Наманганда трамполин бўйича 11-12 ёшгача бўлган ўғил болалар ўртасидаги Ўзбекистон кубогида ғолиб ва совриндорлар номи аниқ бўлди.

Мазкур мусобақада спортчилар батутда жуфтлик сакраш ва акробатик йўлакда сакраш бўйича ўзаро рақобатлашди.

Батутда жуфтлик сакраш баҳслари якуни бўйича Ҳумоюнхўжа Убаев ва Шоҳрух Ғозиев жуфтлиги 40,1 балл тўплаб, олтин медалга сазовор бўлди. Мусобақалар давомида 39,2 балл тўплаган Элшодбек Маматюсупов ҳамда Ҳожиакбар Абдулбоқиев тандеми кумуш медални қўлга киритган бўлса, Ҳусниддин Раҳмониддинов ва Муҳаммаджон Эргашалиев 38,9 балл билан шоҳсупанинг учинчи поғонасидан жой олди.

Акробатик йўлакда сакраш беллашувларида Сафар Нечаев, Жамшид Раҳимов, Мирзамат Мўминов совринли жойлардан ўрин эгаллади.