Ўсмирлар ўртасида Осиё чемпиони бўлган боксчи қизга 2 хонали уй совға қилинди

Бу ҳақида Ғиждувон ҳокимлиги матбуот хизмати хабар қилмоқда. 

Иорданиянинг Амман шаҳрида ўсмир қизлар ўртасидаги Осиё чемпионатининг олтин медалини қўлга киритган ғиждувонлик 15 ёшли Узукжамол Юнусовага ажойиб совға туҳфа қилинди.

Ғиждувон туманида катта тантаналар остида чемпионни кутиб олиш ҳамда тақдирлаш маросими ташкиллаштирилди.

Тадбирда Бухоро вилояти ҳокимининг совғасини туман ҳокими Шерзод Ашуров топширди. Чемпионга 2 хонали уй ҳамда қимматбаҳо совғалар берилди. Шунингдек, Узукжамол Юнусованинг бокс бўйича мураббийи Фаррух Жўраев ҳам эсдалик совғалар билан тақдирланди.

«Фарзандни кўкдан ерга туширадиган ота бўлса, ердан кўкка кўтарадиган унинг устози, шундай экан фақатгина устоз туфайли, энг яхши устоз туфайли дунёларни забт этишингиз мумкин. Бу ҳали бошланиши, ҳали катта-катта марралар бизни кутяпти», - деди туман ҳокими Шерзод Ашуров.