Ўсмирларимиз “Nosov Cup” халқаро турниридан 3 та медаль билан қайтишяпти

Ўз тарихида саккизинчи бор ташкил этилган “Nosov Cup” халқаро мусобақасида дунёнинг йигирмадан зиёд давлатидан 2000 нафарга яқин ўсмирлар татамига чиқишди. Баҳслар 2006-2008 (қизлар), 2006-2007, 2008-2009, 2010-2011 (ўғил болалар) йил ёш тоифаларида ўтказилди.

“Триумф” спорт саройи мезбонлик қилган турнирда Ўлмас Гуллиев мураббийлигидаги ўзбекистонлик 10 нафар ёш дзюдочи ҳам иштирок этди. Мусобақанинг биринчи куни -38 кг вазн тоифасида юртимиз шарафини ҳимоя қилган Иноят Телмонов бронза медалига сазовор бўлганди.

Иккинчи кунги беллашувларда Шарофиддин Раҳмонов (-28 кг) ва Иномжон Баҳодиров (-50 кг) ҳам халқаро турнирнинг бронза медалини қўлга киритди. Москвадаги турнирда 3 та медалга эга чиққан дзюдочиларимиз бугун соат 22:30да Тошкентга қайтиб келишади.

Ўзбекистон дзюдо федерацияси матбуот хизмати