11 июл 14:22
Янгиликлар
Кураш
Ўсмирларимиз Осиё чемпионатида 8 та медалга сазовор бўлдилар
Хитой Тайпейининг Тайчжун шаҳрида спорт курашлари бўйича ўсмирлар ўртасида ўтказилган Осиё чемпионатида Ўзбекистон ўсмирлар терма жамоаси 1 та олтин, 2 та кумуш ва 5 та бронза медалига сазовор бўлди.
Терма
жамоамиз ҳисобига олтин медални эркин кураш бўйича бўлиб ўтган беллашувларда
Рустамбек Жўраев (-46 кг)
келтирди. Умидли спортчимиз саралаш баҳсларида Таиланд ҳамда Эрон терма
жамоалари аъзоларини, ярим финалда эса Шимолий Корея вакилини мағлуб этиб, ҳал
қилувчи финал беллашувида қозоғистонлик Нуримбет Атабек улудан 10-0 ҳисобида
устун келди.
.jpg)
Мазкур Осиё чемпионатида финалга қадар кечган баҳсларни мағлубиятсиз ўтказган юнон-рим кураши вакиллари Элбек Эргашев (-46 кг) ҳамда Муҳамадқодир Юсупов (-58 кг) кумуш медаль совриндори бўлдилар.
Бундан
ташқари Ислом Илхомов (-42 кг,
эркин кураш), Хадича Нажимова (-52
кг, аёллар кураши), Ихтиёр Ботиров (-42 кг, юнон-рим кураши),
Муҳаммадали Обиджонов (-54 кг,
юнон-рим кураши) ва Парвиз Мўминов (-76 кг, юнон-рим кураши) бронза медаллари билан
тақдирландилар.
Ҳавола :
Фикрлар