27 июл 21:05
Янгиликлар

Олимпия ўйинлари, Париж-2024

Отабек Умаров спортчиларимиз билан учрашиб, уларга Олимпиада олдидан омад тилади

Осиё Олимпия кенгаши (OOK) вице-президенти Отабек Умаров Олимпия шаҳарчасида Ўзбекистон делегацияси жойлашган бинога ташриф буюриб, ҳамюртларимизга яратилган шароитлар билан танишди.

Отабек Муҳаммадалиевичга делегация расмийлари ҳамроҳлик қилди.

Ташриф давомида атлетларимиз учун ажратилган хоналар батафсил кўздан кечирилиб, штаб фаолияти, тиббиёт бўлими ҳам ўрганилди. О.Умаровга ҳар бир спортчимизнинг иштироки, режалар хусусидаги маълумотлар тақдим этилди.

Шунингдек, ООК вице-президенти спортчиларимиз билан учрашиб, уларнинг тайёргарлиги, режалари ҳақида суҳбатлашди. Масъулиятли баҳслар олдидан барча терма жамоаларимизга омад ва зафарлар тилаб, юртимизга ёруғ юз билан қайтишларига умид билдирди.