UZ

Сўнгги янгиликлар

13:03Янник Синнер Майами "Мастерс" 1/2 финалида 0 12:42Жонни Уокер ҳамюртимизнинг собиқ рақибига қарши жанг қилади 0 12:21Ўзбекистонлик спортчилар оиласида туғилган фигурали учувчи жаҳон рекордини ўрнатди 0 12:00Хави "Барселона"да қолиши мумкин, лекин бош мураббий сифатида эмас! 0 11:39Александрова Майами WTA-1000 турнири 1/2 финалига чиқди 0 11:18Ўзбекистон терма жамоасининг 11 нафар боксчиси финалга йўл олди. Қозоғистон ва Россияданчи? 0 10:57Шоҳжаҳон Эргашевнинг эртанги жанги Ўзбекистонда трансляция қилинадими? 0 10:36Месси футболдан ташқари яна қайси спорт турларига қизиқишини айтди 0 10:15Шара Буллет ҳам Саудиядаги UFC турнирида жанг қилади. Унинг рақиби эълон қилинди 0 09:54Даниил Медведев чемпионлик ҳимоясини давом эттирмоқда 0 09:33Расман. UFC Хамзат Чимаевнинг навбатдаги рақиби, жанг санаси ва манзилини эълон қилди 0 09:03Суперлига. Бугун ғалаба қозонмаганлар тўқнашувига гувоҳ бўламиз 0 08:42Рапирачиларимиз Москвада лицензион турнирга тайёргарлик кўришяпти 0 08:21Алижонов ва Мурадов ўзбек ММАсидаги юлдуз шогирди билан яна ярашиб олди 0 07:57Ярим финалда рингга чиққан Саиджамшид Жафаров ва яна олти боксчимиз ғалаба қозонди (Барча натижалар) 0

28 мар 18:02
Янгиликлар

Сув спорти турлари

Ўз кумиринг ашаддий рақибингга айланмагунча бўш келма

Олимпия ўйинлари тарихида 23 та олтин, 3 та кумуш ва 2 та бронза медалларини қўлга киритган афсонавий Майкл Фелпс ҳақида эшитган бўлсангиз керак.

Унинг ғалабалари ҳақида ҳам кўп эшитганмиз. Бироқ унда эслаб ўтишга арзигулик мағлубиятлар ҳам бор. Қуйида улардан бири ҳақида ҳикоя қиламиз. Бу реал ҳикояни “Ўз кумиринг ашаддий рақибингга айланмагунча бўш келма” деб номладик.

Фелпснинг “шоҳ йўналиши” баттерфляй усулида сузиш. Бу фактни сал кейинроқ ёд оламиз. Хитой ва Сингапур давлатлари бир-бирига яқин. Пекиндаги Олимпиадани кўриш учун сингапурлик ёш сузувчи, 13 яшар Йозеф Скулинг Хитойга келади. Унинг ягона орзуси ўз кумири Фелпс билан суратга тушиш бўлган ва болакай ўз мақсадига етган ҳам.

Рио-2016. Орадан 8 йил ўтиб, ўша болакай дунёнинг энг кучли сузувчиларидан бири бўлиб вояга етди. Майклнинг фаолиятидаги сўнгги стартларидан бири ушбу Олимпиадада 100 метрга баттерфляй усулида сузиш баҳси эди. Не ажабки, Фелпс ҳам, Скулинг ҳам ушбу йўналишда финалгача етиб келишди. Якунда Йозеф Скулинг ўз кумирини баттерфляй усулида, яъни Майклнинг “шоҳ йўналиши”да Олимпия ўйинларида доғда қолдириб, олтин медални қўлга киритди. Бу эса ўз кумири ортидан эргашган болакайнинг вақти келиб афсонавий сузувчини мағлуб этгани ҳақидаги воқеа билан жаҳон нашрларида бонг урилди.

2008 ва 2016 йилларда олинган ушбу суратга шундай изоҳ бердик:

2008: Болакайга умрингнинг 1 сониясини эсдалик учун суратга тушгани берасан

2016: 8 йил ўтиб, Скулинг ўша 1 сония қарзини сенга беради.

Ҳа айтганча, ўша беллашув яна бир жиҳати билан тарихда қолган. Скулинг ғолиб чиқиш учун 50.39 сония натижа қайд этган бўлса, бир йўла 3 спортчи: Майкл Фелпс, Чад Ле Кло ва Ласло Чех 51.14 сония натижа билан кумуш медалларга эга чиқишган. Шу боис ушбу йўналишда бронза медали ҳеч кимга тақдим қилинмаган.

Яна бир эътиборли томони шундаки, 25 атлет билан Рио Олимпиадасида қатнашган Сингапур учун Скулингнинг медали ягона бўлиб қолди.

Рейтинг: +1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг