28 сен 10:27
Янгиликлар

Гандбол

“Ўзбечка” Осиё чемпионатининг бронза медали учун ўйнайди

Қозоғистоннинг Алмати шаҳрида гандбол бўйича аёллар клублари ўртасида ўтказилаётган VII Осиё чемпионатида 1/2 финалчилар аниқланди.

Қитъа чемпионатида иштирок этаётган мамлакатимизнинг "Ўзбечка" жамоаси финал чиптаси учун кечган баҳсда Қозоғистоннинг "Қайсар" клуби 16:40 ҳисобида имкониятни бой берди. Иккинчи 1/2 финалда эса мезбонларнинг яна бир жамоаси "Достик" Ҳиндистоннинг Ҳиндистоннинг "Голден Иглз Бхарат" гандболчиларини 31:26 ҳисобида таслим этишди.

Эртага Осиё чемпионати ғолиб ва совриндорлари аниқланади. Қозоғистоннинг икки клуби қитъа чемпионлиги учун паркетга чиқса, "Ўзбечка" қизлари ҳиндистонлик дугоналарига қарши баҳсда бронза медалини тақдирини ҳал қилишга уриниб кўришади.