05 июл 15:35
Янгиликлар

Бокс/ММА

Ўзбек боксчилари океан ортида машғулотларни давом эттиришяпти (ФОТО)

Айни кунларда уч нафар ҳамюртимиз Америка Қўшма Штатларининг Калифорния штатида шуғулланмоқда.

Улар Отабек Холматов, Муроджон Аҳмадалиев ва Ботир Аҳмедов.

Ҳозирча фақатгина Аҳмадалиевнинг кейинги рақиби ва жанг санаси расман тасдиқланган. У 14 сентябрь куни Япониянинг Токио шаҳрида иккинчи энг енгил вазннинг мутлақ чемпиони, япониялик Наоя Иноуэ билан тўқнаш келади.

Холматов сўнгги жангини жорий йил апрель ойида Қозоғистонда филиппинлик Жейсон Канойга қарши ўтказиб, муддатидан олдин ғалаба қозонганди. Ботир Аҳмедов эса охирги марта ўтган йилнинг ноябрь ойида Ар-Риёдда Riyadh Season тадбирлари доирасида таниқли Оскар Дуарте билан жанг қилиб, очколар ҳисобига кўра мағлуб бўлганди.