Ўзбек дзюдочилари "Улкан тож"дан биттагина медаль билан қайтадиган бўлишди

Бугун турнирнинг сўнгги куни бўлиб ўтди. Турнирнинг сўнгги кунида учта вазн тоифасида жанглар бўлиб ўтди.

-90, -100 ва +100кг вазн тоифаларида бўлиб ўтган жангларда ўзбекистонлик спортчилар иштирок этишди. Афсуски, гиламга чиққан полвонларимиз Яҳё Имомов, Давронбек Сатторов, Болтабой Болтаев ва Бекмурод Олтибоев каби спортчиларимиз илк жангларидаёқ имкониятни бой бериб қўйишди.

Шу тариқа, Абу-Дабидаги турнирда Ўзбекистон терма жамоаси биттагина бронза медалини қўлга киритди.

-60кг вазн тоифасида иштирок этган Шарофиддин Лутфуллаев мусобақанинг илк кунида бронза медали соҳибига айланганди.