Ўзбекистон дзюдо федерацияси Сурхондарё вилоят бўлими раҳбарияти масофадан туриб иш олиб боряпти

Федерация ходимларининг зерикишга фурсати йўқ. Чунки улар ҳар куни интернетда ишлашяпти ва ҳатто оила даврасига ҳам кўп вақт ажратишяпти. 

Ўзбекистон дзюдо федерацияси вице-президенти, Сурхондарё вилоят дзюдо федерацияси раиси Бекзод Саитқулович Тўрабоев карантинни қандай ўтказаётгани ҳақида фикрлари билан ўртоқлашди:

"Биз тез ва муаммосиз масофадан ишлаш тартибига ўтдик. Миллий олимпия қўмитаси ва Жисмоний тарбия ва спорт вазирлиги ушбу вазиятда тезкорлик билан муносабатда бўлиб, федерацияларга онлайн ишлаш имкониятини тақдим этишди. 

Спортчиларимизнинг кундалик машғулотларини куну тун кузатиб борамиз. Тренерлар билан биргаликда карантин бўйича ўқув режаси, шунингдек, Токио-2020 йўлланмаси доирасида декабрь ойигача спортчиларимиз иштирок этиши керак бўлган халқаро турнирлар режасини келишиб олдик. Биз, шунингдек, мавжуд вазиятдан келиб чиқиб, жамоа билан биргаликда федерациянинг 2020 йил учун янги иш режасини тузмоқдамиз".

Ўзбекистон дзюдо федерацияси Сурхондарё вилояти бўлими раиси ходимларини ҳар бир Ўзбекистон фуқаросини уйда қолишга ва вақтларини фойдали ўтказишга чорлаб қолади.