Ўзбекистон дзюдо федерацияси томонидан Халқаро дзюдо куни кенг нишонланди ФОТОРЕПОРТАЖ

Байрамона руҳда ўтган тадбирда Ўзбекистон Миллий олимпия қўмитаси Бош котиби Ойбек Касимов, Ўзбекистон дзюдо федерацияси масъуллари, мураббийлар, дзюдочилар, уларнинг ота-оналари ва оммавий ахборот воситалари ходимлари иштирок этишди. 

"Тинчлик" шиори остида ўтказилган бу йилги тадбир доирасида дарахт ҳам экилди. Диёра Келдиёрова, Давлат Бобонов, Алишер Юсупов, Музаффарбек Тўрабоев сингари Олимпия ўйинлари ғолиб ва совриндорлари келажак авлод учун ерга ниҳол қадашди. Кўчат ёнига унинг муаллифи ҳам ёзиб қўйилди.  

Ёш дзюдочиларнинг кўргазмали чиқишлари тадбирига ўзгача кайфият бағишлади. Анъанага кўра байрам торти меҳмонларга улашилди. Диёра Келдиёрова ёш дзюдочилар билан бирга суратга тушди, уларнинг қувончига шерик бўлди.