Ўзбекистон эркаклар терма жамоаси Жаҳон чемпионатининг 1/2 финалида!

Ўз тарихида 42-маротаба ташкил этилаётган дунё биринчилигида айни дақиқаларда жамоавий баҳслар ўтказилмоқда. Одатда Олимпиада, жаҳон ва қитъа чемпионатларида аралаш жамоавий беллашувлар ташкил этилади. Ҳарбийлар ўртасидаги жаҳон чемпионатида эса эркаклар ва аёллар ўртасидаги мусобақа алоҳида тарзда ўтказилади. 

Ўн етти давлат терма жамоалари қатнашаётган эркаклар ўртасидаги мусобақада Ўзбекистон дзюдочилари 1/2 финалга йўл олишди. Дзюдочиларимиз аввалига Туркманистон, кейин эса Иордания терма жамоасини бир хил 3:0 ҳисобида таслим этишди.