08 янв 23:19
Янгиликлар

Футбол

Ўзбекистон медиа-футбол термаси Колумбияга имкониятни бой бериб, Kings League'даги иштирокини якунлади

Хабар берганимиздек, Италиянинг Милан шаҳрида медиа-футбол бўйича Kings League-2025 Жаҳон кубоги бўлиб ўтмоқда.

Бугун мусобақанинг чорак финал босқичи старт олди.

Унда иштирок этаётган "Unwanted boys" медиа жамоаси асосидан ташкил топган Ўзбекистон термаси ярим финал йўлида турнир фаворитларидан бири — Колумбияга қарши майдонга тушди.

Ўйин 6:1 ҳисобида Жанубий Америка қитъаси вакилларининг ғалабаси билан якунланди.

Жамоа сафида профессионал футболчи, U-20 ёш тоифасидаги Осиё чемпиони Шаҳриёр Жабборов ҳам мавжуд экани ҳақида хабар бергандик.

Маълумот учун, Ўзбекистон медиа-футбол жамоаси мусобақа доирасида дастлаб Саудия Арабистонини мағлуб қилди, шундан сўнг, АҚШга имконият бой берилди. Мағлублар гуруҳида эса кеча Перу доғда қолдирилганди.