Ўзбекистон Олимпия ўйинларида: 2004 йил

Шу муносабат билан ватанимиз спортчиларининг бугунги кунгача бўлиб ўтган Олимпиада ўйинларидаги иштироклари ҳақида қисқача маълумот беришни бошлаган эдик.

Бунгача 1996 ҳамда 2000 йилларда бўлиб ўтган Олимпиадаларда Ўзбекистон терма жамоаси спортчиларининг иштироклари ҳақида маълумотлар тақдим этгандик. Бугун Афина-2004 ўйинлари ҳақида гаплашамиз.

2004 йилги Олимпиада ўйинлари 13-29 август кунлари Греция пойтахти Афинада бўлиб ўтган. Ушбу мусобақада 70 нафар спортчи (52 нафар эркак, 18 нафар аёл) Ўзбекистон шарафини ҳимоя қилган.

Ҳамюртларимиз иштирок этган спорт турлари:

Енгил атлетика
Бокс
Байдарка ва каноэда эшкак эшиш
Велопойга
Гимнастика
Дзюдо
Ўқ отиш
Сузиш
Стол теннис
Таэквондо
Оғир атлетика
Кураш

Олимпиада очилишида дзюдочимиз Абдулла Тангриев байроқдоримиз бўлган.

Ушбу Олимпиадада ҳамюртларимиз 5 та медални қўлга киритишга муваффақ бўлганлар. Улар:

Артур Таймазов - олтин (кураш)
Александр Докторашвили - олтин (кураш)
Магомед Ибрагимов - кумуш (кураш)
Баҳодир Султонов - бронза (бокс)
Ўткирбек Ҳайдаров - бронза (бокс)

Ушбу Олимпиадада шунингдек Оксана Чусовитина, Саида Искандарова, Екатирина Хилько, Рамзиддин Саидов каби спортчиларимиз қатнашганлар.

Ўша йили спортчиларимиз орасида энг ёш спортчи - сузувчи Ольга Гнедовская (15 ёш, 1 кун) бўлган.

Ёши энг катта спортчи эса - оғир атлетикачимиз Игорь Ҳалилов (32 ёш, 74 кун) бўлган.

Азиз Тўхтамуродов тайёрлади