Ўзбекистон ўсмирлар терма жамоасида руминиялик мутахассис иш бошлади

Руминиялик мутахассис айни пайтда Сурхондарё вилоятининг Денов туманида ўқув-машғулот йиғини ўтказаётган ўсмирлар терма жамоамиз аъзолари билан учрашувда янги бош мураббий сифатида расман таништирилди. 

Яқинда 44 ёшини қаршилаган Флис мураббийлик фаолияти давомида Руминия, Озарбайжон ва Малта давлатларида ишлаган. Дунёга машҳур Кодокан Институте Жапан аъзоси, қора белбоғ 5-ДАН соҳиби ҳисобланади. Дзюдо таълими бўйича бир нечта кўзга кўринган ўқув даргоҳларида сабоқ олган. 

Унинг мураббийлигида Катрина Эспозито (-48 кг) Олимпия ўйинлари (Париж-2024)да иштирок этган биринчи малталик дзюдочига айланганди. 

Аурелиан-Чиприан Флис ўсмирлар терма жамоасидаги фаолияти билан параллель равишда қизлар жамоаси машғулотларини ташкил этишда координатор сифатида ҳам ёрдам беради.