Ўзбекистон ўсмирлар ва ёшлар терма жамоаси Жаҳон чемпионатини 17 та медаль билан якунлади

Яқин бир ҳафта давомида Перу пойтахти мезбонлик қилган ёшлар ва ўсмирлар ўртасидаги жаҳон чемпионати ўз ниҳоясига етди.

Аҳамиятлиси, мазкур нуфузли мусобақада иштирок этган терма жамоамиз аъзолари якунда 3 та олтин, 8 та кумуш ҳамда 6 та бронза, жами 17 та медалга сазовор бўлишди. 

Ғолиб ва совриндорларимиз:

Моҳинур Эсонбоева - 2 та олтин ва 1 та бронза;

Алишер Османов - 1 та олтин ва 2 та кумуш;

Маржона Абдумуталова - 2 та кумуш ва 1 та бронза;

Диёрбек Рўзметов - 1 та кумуш ва 2 та бронза;

Мунисбек Давлетов - 2 та кумуш;

Хикматилло Хайдаров - 1 та бронза;

Дилнура Холдорова - 1  та бронза;

Қудратбек Салимжонов - 1  та бронза.

Бундан ташқари, эркаклар терма жамоамиз ёшлар ўртасидаги баҳсларда умумжамоа ҳисобида 4-ўринни эгаллагани ҳам эътиборга молик.