Ўзбекистон самбо ассоциациясининг Бухоро бўлимига янги раис сайланди

Ушбу чемпионат доирасида Ўзбекистон самбо ассоциацияси Бухоро вилояти бўлимининг ҳисобот-сайлов конференцияси ҳам ташкил этилди. Ушбу конференция давомида бир қатор ютуқ ва камчиликлар, режалар муҳокама қилинди. Кун тартибидан ўрин олган асосий масалалардан бири эса вилоят бўлимига янги раҳбар сайлашдан иборат эди. 

Унга кўра, Ўзбекистон самбо ассоциацияси Бухоро вилояти бўлими раиси лавозимига Шухрат Хуршидович Ходжаев, ижрочи директор лавозимига эса Улуғбек Ахтамович Раҳмонов сайланди. Шунингдек раиснинг биринчи ўринбосари сифатида Бахшилло Темиров, яна бир ўринбосар сифатида эса Сайфилло Халилов фаолият олиб борадиган бўлди. 

Ўзбекистон самбо ассоциацияси ташкилотнинг янги раҳбариятига келажакдаги фаолиятида, Бухорода самбони янада ривожлантириш йўлида муваффақитлар тилайди.