Ўзбекистон таэквондо WT ассоциациясида “Очиқ эшиклар” куни ўтказилди

Ҳаваскорлар, ўсмирлар мактаб ўқувчилари ва ота-оналар учун ташкил этилган мазкур тадбир аввалида мухлислар шу кунга қадар таэквондочиларимизнинг Жаҳон ва Осиё чемпионатлари турли нуфузли халқаро мусобақаларда қўлга киритилган ютуқлардан сўзлагувчи экспонатлар билан яқиндан танишиш имкониятига эга бўлдилар. Сўнгра мамлакатимиз терма жамоа аъзолари уларга маҳорат сабоқларини ўтказишди. 

Бундан ташқари таэквондога меҳр қўйган ўсмирлар ва қизлар учун ўзига хос савол-жавоб викторинаси ҳамда болажонлар учун дастлабки машғулотларни Жаҳон чемпиони Дмитрий Шокин ўтказди. Очик эшиклар куни доирасида ота-оналар айни кунларда ўсмирлар ва кадетлар ўртасида ўтаётган мамлакат чемпионати иш жараёни, баҳслар ва ҳаяжонли лаҳзаларга гувоҳ бўлишди. 

Бир сўз билан айтганда таэквондо бўйича ассоциация томонидан ташкил этилган “Очиқ эшиклар” куни мухлисларда, ёш болажонларда катта қизиқиш уйғотгани таббий ва шундай тадбирлар эндиликда вилоят бўлимларида ҳам ташкил этилади. Маълумот ўрнида айтиш керак бугунги кунда 20000га яқин ҳаваскорлар таэквондо WT билан шуғулланиб келишади.

Ўзбекистон таэквондо WT ассоциацияси матбуот хизмати