30 мар 17:55
Янгиликлар

Футбол

Ўзбекистон U23 Осиё Кубогида 4-ўринни олса ҳам Парижга боради, лекин мусобақада иштирок этмаслиги мумкин

Қатарда 15 апрелдан 3 майгача 23 ёшгача бўлган футболчилар ўртасида Осиё Кубоги бўлиб ўтади.

Ушбу турнирда медаль қўлга киритган жамоалар (олтин, кумуш, бронза) Париж-2024 Олимпиадаси йўлланмасини қўлга киритишади. 3-ўрин учун баҳсда мағлуб бўлган жамоа Африка Кубогининг 4-ўрин эгаси Гвинея терма жамоаси билан сўнгги йўлланма учун кураш олиб боради.

Охирги "чипта" учун баҳс Олимпиада ўтказиладиган Парижнинг ўзида бўлиб ўтади. Учрашув 9 май куни маҳаллий вақт билан соат 14:00да старт олади.

Эслатиб ўтамиз, Ўзбекистон олимпия терма жамоаси U23 Осиё Кубогида Вьетнам, Кувайт ва Малайзия билан бир гуруҳдан ўрин олган.