Ўзбекистон ва Қозоғистон ўртасида ҳамкорлик Меморандуми имзоланди

Ушбу турнирда бир неча нафар қозоғистонлик боксчилар ҳам рингга кўтарилишади. Қозоғистон делегациясига мамлакат профессионал бокс комиссияси президенти Арман Мўминов раҳбарлик қилмоқда. 

Режага асосан пойтахтимиздаги "Франкфурт" меҳмонхонасида икки мамлакат профессионал бокс ташкилотлари раҳбарлари учрашишди ва ўзаро ҳамкорлик Меморандумига имзо чекишди. Ўзбекистон профессионал бокс федерацияси раиси Умид Якубов ушбу ҳужжат ҳар икки давлат профессионал бокси ривожи ва истиқболи учун хизмат қилишини алоҳида таъкидлади. 

Ўз ўрнида Арман Мўминов икки томон барча йўналишларда кенг қамровли ишларни амалга ошириши, биргаликда проф бокс турнирларини ташкил этиш, ҳакамлар ва мураббийларни тайёрлаш каби масалаларда ҳамкорлик қилишини урғулади.