Ўзбекистон WBC ташкилотининг 61-Конвенциясига мезбонлик қилади + ФОТО

WBC дунёнинг энг нуфузли профессионал бокс ташкилоти ҳисобланади. WBC ташкилотига 1963 йилда асос солинган. Штаб-квартираси Мексикада жойлашган. Мексикалик Маурисио Сулейман WBC президенти ҳисобланади. Турли йилларда Муҳаммад Али, Жо Фрейзер, Майк Тайсон, Леннокс Льюис, Флойд Мейвезер, Виталий Кличко, Мэни Пакьяо сингари бокс афсоналари WBC чемпиони бўлишган. 

Қувонарлиси, ташкилотга аъзо бўлганига ҳали бир йил ҳам тўлмай, WBC Ўзбекистонга Бутунжаҳон бокс иттифоқининг йиллик 61-Конвенцияси мезбонлигини ишониб топширди. Бир нечта даъвогар шаҳарлар орасидан Тошкент аризаси афзал кўрилди. WBC Конвенцияси бир йилда бир маротаба ўтказилиб, унда ташкилотга аъзо икки юзга яқин давлатдан расмий вакиллар, таниқли промоутерлар, собиқ ва амалдаги WBC чемпионлари, умуман олганда, профессионал бокс оламининг энг машҳурлари жам бўлади. 

Пойтахтимиз мезбонлигидаги WBC 61-Конвенцияси 12-17 ноябрь кунлари бўлиб ўтади.