05 май 12:24
Янгиликлар

Хоккей

Ўзбекистон — хоккей бўйича Осиё кубогининг уч карра ғолиби! (+ФОТО)

Ўзбекистон U18 терма жамоаси хоккей бўйича Осиё кубогини учинчи бор қўлга киритиб, турнирнинг энг кучли жамоаси сифатидаги мақомини яна бир бор тасдиқлади.

Мусобақа 27 апрелдан 3 майгача Бишкек шаҳрида бўлиб ўтди. Терма жамоамиз барча учрашувларда ғалаба қозониб, турнирни мағлубиятсиз якунлади (Қирғиз Республикаси — 4:2; Ҳиндистон — 15:1; Мўғулистон — 7:2; Индонезия — 13:0; Қирғиз Республикаси — 3:2).

Ушбу муваффақият жамоанинг сўнгги йиллардаги барқарор ва юқори натижаларининг мантиқий давоми бўлди:

— 2023 йилда жамоа илк бор Мўғулистонда ўтказилган турнирда Осиё ва Океания кубогини қўлга киритди;

— 2024 йилда Тошкентдаги мусобақада ушбу натижани такрорлади;

— 2026 йилда эса чемпионлик унвонини ҳимоя қилиб, учинчи бор ғолибликни расмийлаштирди.