27 дек 19:23
Янгиликлар
Хоккей
Ўзбекистон хоккей терма жамоаси "Ҳумо"нинг етти-саккиз нафар россиялик хоккейчисини маҳаллийлаштиради
Ўзбекистон хоккей федерацияси Тошкентнинг "Ҳумо" клубига тегишли етти-саккиз нафар россиялик хоккейчини миллий терма жамоа таркибида 2025 йилги Жаҳон чемпионатида иштирок этиши учун фуқароликка қабул қилиш жараёни билан шуғулланмоқда.
Бу ҳақда федерация вице-президенти Баҳодир Ғофуров маълум қилди.
"Бизнинг "Ҳумо" клубимиз терма жамоанинг таянчи ҳисобланади, биз етти-саккиз нафар россиялик хоккейчини фуқароликка қабул қилиш жараёнини бошладик ва келгусида улар терма жамоамизда ўйнаши учун 2025 йилда ҳам бу жараённи давом эттиришни режалаштирганмиз. Биз Жаҳон чемпионатига янги мавсум бошланиши биланоқ йўл оламиз, жамоанинг ўзаги "Ҳумо"нинг йигитлари бўлади, ўзимиздаги ёшлардан бир қанча йигитларни жалб қиламиз.", деди Ғофуров.
Маълумот учун, Ўзбекистон хоккей терма жамоаси 2025 йилнинг 13-19 апрель кунлари Ереванда (Арманистон) бўлиб ўтадиган Жаҳон чемпионатининг IV дивизионида дебют қилади.
Ҳавола :
Манба : hchumo.uz
Ўхшаш янгиликлар
09:07
Junior European Cup 2025. Ўзбекистон 4 та медаль эвазига 32 давлат орасида 1-ўринда бормоқда 0
Фикрлар