06 апр 08:26
Янгиликлар

Бокс/ММА

Ўзбекистон ёки Қозоғистон? Қайси давлатдан 1/2 финалга кўпроқ боксчи етиб келди?

Хабар берганмиздек, бугун Мўғулистоннинг Улан-Батор шаҳрида давом этаётган бокс бўйича катталар ўртасидаги Осиё чемпионатида 1/2 финал жанглари бошланади.

Қозоғистон терма жамоасининг 13 нафар боксчиси финал чиптаси учун рингга кўтарилади: Махмуд Сабирхан (55 кг), Оразбек Асилкулов (60 кг), Ертуган Зейнуллинов (65 кг), Торехан Сабирхан (70 кг), Сабиржан Аккаликов (75 кг), Нурбек Оралбай (85 кг), Сагиндик Тогамбай (90 кг), Айбек Оралбай (+90 кг); аёлларда — Айгерим Саттибаева (48 кг), Бакит Сейдиш (70 кг), Валентина Халзова (75 кг), Надежда Рябец (80 кг) ва Дина Исламбекова (+80 кг).

Ушбу босқичга Ўзбекистон терма жамоасининг 11 нафар боксчиси етиб келди: Абдураҳмон Маҳмуджонов (60 кг), Абдуллоҳ Мадаминов (65 кг), Жавоҳир Абдураҳимов (75 кг), Фазлиддин Эркинбоев (80 кг), Жасурбек Йўлдошев (85 кг), Халимжон Мамасолиев (90 кг); аёлларда — Нигина Ўктамова (57 кг), Ойша Тоирова (70 кг), Азиза Зокирова (75 кг), Рухшона Парпиева (80 кг), Олтиной Сотимбоева (+80 кг).

Эътиборлиси, Рухшона Парпиева қуръа натижасига кўра жангсиз финалга йўл олди. У камида кумуш медални нақд қилган. Боксчиларимизнинг сон жиҳатидан иккиталик фарқни йўққа чиқариб, умумжамоа ҳисобида биринчи ўринни қўлга киритишларига ишонамиз.