Ўзбекистон ёшлар терма жамоаси 14 та медал билан Осиё чемпионатини 1-ўринда якунлади

Дзюдочиларимиз биринчи куннинг ўзидаёқ 9 та медал (3 та олтин, 3 та кумуш, 3 та бронза) билан қитъанинг энг кучли жамоалари орасида ишончли етакчиликни қўлга киритдилар.

Бугун эса бошланган ишга чиройли якун ясалди. Финалда курашган 5 нафар дзюдочимизнинг бари ёрқин ғалабалар эвазига Осиё чемпионлигини расмийлаштирди. Ўзбекистон ёшлар терма жамоаси 8 та олтин, 3 та кумуш, 3 та бронза, жами 14 та медал билан умумжамоа ҳисобида биринчи ўринни эгаллади.  

Корея Республикаси 3 та олтин, 2 та кумуш, 3 та бронза медали билан иккинчи ўринни банд этган бўлса 2 та олтин, 1 та кумуш, 3 та бронза медалига эга Ҳиндистон терма жамоаси кучли учликка якун ясади. 

Ўзбекистон кадетлар ва ёшлар терма жамоалари тўрт кунлик муросасиз беллашувлар якунига кўра умумий ҳисобда 31 та медални қўлга киритди!