UZ

Сўнгги янгиликлар

13:22Головкин IBO камарини кейинги жангидаёқ қайтариб олиши мумкин 0 13:01БАА. Отабек Шукуров жамоаси якка пешқадам! 0 12:39WADA Россия антидопинг агентлиги мақомини тиклайди, лекин... 0 12:32Хабиб Нурмагомедов ва Конор МакГрегор ўртасидаги шов-шувли матбуот анжумани (ВИДЕО) 0 12:18Василий Ломаченко: “Фаолиятимдаги энг катта танаффусни олдим” 0 11:56Макгрегор UFC билан рекорд даражадаги янги шартнома имзолади 0 11:34Суперлига: 24-турга ҳакамлар тайинланди, Эрматов марказий ўйинни бошқаради 0 11:03Истомин Питер турнири жуфтлигида кортга чиқмади 0 10:41Мэнни Пакьяо: “Мейвезер хоҳлаган куни жанг бўлади, мен тайёрман!” 0 10:04Икки йўналиш чемпионининг рақиби маълум бўлди 0 09:43Унаи Эмери Европа лигаси тарихигига кирди 0 09:02Жаҳон чемпионининг қонидан кокаин топилди 0 08:22Дзюдо. Жаҳон чемпионатининг илк куни омадсиз келди 0 07:42Спорт курашлари. Қизларимиз тарихда илк бор жаҳон чемпионати финалига чиқишди 0 03:21Европа лигаси. "Милан" ва "Арсенал" ютди ва бошқа натижалар 0

14 сен 17:20
Янгиликлар

Бокс/ММА, Дзюдо, Таэквондо, Каратэ

Ўзбекистонда тўртта спорт туридан селекцион мусобақалар ўтказилади

Сир эмаски, спортда энг юқори чўққи Олимпия ўйинлари ғолиблиги ҳисобланади.

Индонезиядаги Осиё ўйинлари якунига етгач, Ўзбекистон Токио 2020 ўйинларига тайёргарлик жараёнини бошлаб юборди. Икки йилдан сўнг ўтказиладиган Олимпия ўйинларида Ўзбекистон навбатдаги рекордларни забт этишга ҳаракат қилади. Бу йўлда кенг кўламдаги ишлар амалга оширилади. Режалар ҳам катта. Жумладан, шу йилнинг 24 сентябрь - 7 октябрь кунлари Миллий олимпия қўмитаси турли селекция мусобақаларини ташкил қилмоқда.

Бугун ана шу мусобақа ташкилий қўмитасининг йиғилиши ўтказилди. Унда ишчи гуруҳ аъзолари, яккакураш спорт турлари бўйича федерациялар раҳбарлари иштирок этишди. Йиғилиш давомида тўртта олимпия спорт тури - таэквондо WTF, бокс, каратэ WKF ва дзюдо бўйича селекцион турнирнинг ташкилий масалалари кўриб чиқилди.

Миллий олимпия қўмитаси дастурига кўра, селекцион очиқ турнирларида қуйидаги спорт турлари вакиллари иштирок этадилар:

Таэкондо WTF бўйича баҳсларда:

Таэквондо ITF
Таэквондо GTF
Анъанавий таэквондо
Ўзбек жанг санъати
Таэквондо ITF миллий ассоциацияси
Junri таэквондо

Мусобақанинг ўтказилиш муддати: 24-26 сентябрь


Бокс:

Кикбоксинг
Ҳаваскор ва профессионал муайтай
Қўл жанги
Ушу-санда

Мусобақанинг ўтказилиш муддати: 27 сентябрь - 1 октябрь

Каратэ WKF:

Миллий каратэ
Анъанавий каратэ
Шотакан
Фудокан

Мусобақанинг ўтказилиш муддати: 3-4 октябрь


Дзюдо:

Миллий кураш
Белбоғли кураш
Жиу-житсу
Самбо

Мусобақанинг ўтказилиш муддати: 6-7 октябрь.

Беллашувлар Таэквондо WTF ассоциациясига қарашли "Универсал” спорт мажмуасида бўлиб ўтади.

Демак, юқорида санаб ўтилган спорт турларидан олимпия йўналишларига спортчиларни селекция қилиш учун ушбу мусобақа ташкил қилинади. Асосий мақсад - Токио 2020 мусобақасига энг сара спортчиларни танлаб олиш ва янги номларни кашф этишдир.

Маълумот учун, Рио Олимпиадаси чемпиони Ҳасанбой Дўсматов ҳам ўз вақтида ноолимпия спорт тури ҳисобланган кикбоксинг билан шуғулланган. Тўғри йўлга қўйилган селекция самараси ўлароқ у бокс терма жамоаси машғулотларида иштирок эта бошлаган. Якунда эса натижа қандай бўлганини жуда яхши биласиз. Ажаб эмаски, ташкил этилаётган ушбу мусобақа бизга янги Ҳасанбойларни кашф қилиб берса.

Рейтинг: +1   

Ўхшаш янгиликлар

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг