Ўзбекистонда туғилган Муҳаммад Шехов ҳам кеча навбатдаги ғалабасига эришди

Ушбу жанг кечаси доирасида ҳамюртларимиз Шоҳжаҳон Абдуллаев ва Комронбек Турғунбоев рингга кўтарилиб, ғалабага эришгани ҳақида хабар бергандик. 

Шунингдек, кеча мазкур турнирда Ўзбекистонда таваллуд топган Мухаммад Шехов ҳам рингга кўтарилиб, 8 раундлик жангда очколар эвазига ғалаба қозонди. 

Маълумот учун, Муҳаммад Шехов Бухорода таваллуд топган. Узоқ йиллар мобайнида Россия шарафини ҳимоя қилган. Бугунги кунда рингга Ўзбекистон ва Россия байроқлари билан чиқади. Муроджон Аҳмадалиев билан бир вазнда - иккинчи ўта енгил вазн тоифасида жанг қилади. Айни пайтда WBA рейтингида 13-ўринни эгаллаб турибди.

Профессионал боксда 17 та жанг ўтказган ва уларнинг 16 тасида ғалабага эришган. 1 та жанги дуранг билан якунланган.