Ўзбекистонлик футболчилар "Реал Мадрид"да ўйнаши мумкинми? Фернандо Морьентесдан жавоб

Унда турли ОАВ воситалари ўзларини қизиқтирган савол билан мурожаат қилишди. Хусусан, "Реал Мадрид" жамоасида ўзбекистонлик футболчилар ўйнаши мумкинми деган саволга Морьентес қуйидагича жавоб берди.

"Сиз олдингизга шундай мақсад қўйдингиз дейлик. Мен "Реал Мадрид" жамоасида ўйнашни истайман десангиз ҳеч қачон ўйнолмайсиз. 2 ёки 3 йилдан кейин боришни кўзлаш керак эмас. Балки, кенгроқ қараш лозим. Бугун қандай машғулот ўтказяпсиз, нима ейяпсиз ёки ичяпсиз барчасини инобатга олиш даркор. Масалан, мен болалигимда ҳеч қачон "Реал Мадрид"да ўйнаб кетишимни тасаввур ҳам қилмаганман. Лекин, мен шундай ишладимки якунда буюк жамоада пайдо бўлдим. Тажрибамдан келиб чиқиб айтаманки, шундай клубда ўйнашни истасангиз ҳар куни ишлашингиз лозим. Икки йилдан кейин "Реал"га бораман ва ўшанда жиддийроқ шуғулланаман десангиз хато қиласиз. Босқичма-босқич интилиб бориш керак",- дейди Морьентес.

Матбуот анжуманининг тўлиқ қисмини бироздан кейин эътиборингизга ҳавола қиламиз. Бизни кузатишда давом этинг!