11 мар 09:24
Янгиликлар

Самбо

Ўзбекистонлик самбочилар "Арнольд классик" фестивалида олтин медаллар қўлга киритишди

Теглар : Самбо

"Арнольд классик" Бутунжаҳон мультиспорт фестивалининг самбо бўйича турнири бўлиб ўтди.

Унда АҚШ ва Ўзбекистон самбочилари иштирок этишди.

"Арнольд классик" спорт фестивали 1988 йилдан буён машҳур Арнольд Шварцнеггер томонидан бодибилдинг бўйича ташкил этиларди. Йиллар ўтиб ушбу танлов мультиспорт фестивалига айланиб кетган ва бу бўйича бир қатор спорт турлари бўйича, шу жумладан самбо бўйича ҳам беллашувлар ташкил этилади.

Ушбу мусобақада ўзбекистонлик самбочи йигитлар ҳам иштирок этишди. Тошкентдаги жаҳон чемпионати иштирокчиси Элёр Серикбаев, шунингдек Муҳаммаднозим Шукуров, Жамолиддин Қурбонов ва Шербек Рўзиев ўз вазн тоифаларида "Арнольд классик" чемпионига айланишди. Эътиборлиси Шербек Рўзиев мусобақанинг энг яхши спортчиси деб топилди ва махсус совринга эга бўлди.