ЎзДЖTСУ ҳамда Непал оғир атлетика терма жамоаси ўртасида Меморандум имзоланди

Ўзбекистондан Осиё, жаҳон ва Олимпия ўйинлари чемпионлари етишиб чиқмоқда. Хорижий мамлакат оғир атлетикачилари бизнинг полвонлар билан ҳамкорликда машғулот олиб бориш, ўзаро тажриба алмашиш учун юртимизга келишмоқда. Охирги 2-3 йилликда Tуркия, Белгия, Бирлашган Aраб Aмирликлари, Қатар, Aвстралия, Словакия, Қозоғистон ва Tуркманистон терма жамоаси аъзолари ўқув-машғулот олиб бориш учун юртимизга ташриф буюрдилар.

Aна шундай ҳамкорлик алоқаларининг навбатдагиси оғир атлетика бўйича Непал терма жамоаси вакиллари билан ҳам ўрнатилди. Шу кунларда Непал терма жамоаси юртимизда ўқув-машғулот йиғинларини ўтказишмоқда. Ушбу йиғин доирасида, бугун Ўзбекистон давлат жисмоний тарбия ва спорт университети ҳамда Непал  терма жамоаси ўртасида ҳамкорлик меморандумини имзолаш маросими ҳамда  мастр-клас ташкил этилди.

Tашкил этилган тадбирда Ўзбекистон оғир атлетика федерасияси вакиллари, Ўзбекистон давлат жисмоний тарбия ва спорт университети Илмий ишлар ва инновасиялар бўйича проректори, профессор Р.Mаткаримов, профессор-ўқитувчилар ва талабалар, Непал оғир атлетика терма жамоаси аъзолари, мураббийлар иштирок этишди. 

Непал терма жамоаси мураббийи Динеш Бҳусел эса Ўзбекистон ҳақидаги таассуротлари ҳақида гапирди. 

“Tўғриси, учрашув бундай савияда ташкил этишини кутмагандим. Ўқув-машқ машғулотлари юксак даражада ўтмоқда. Бизга барча шарт-шароитлар яратиб берилди. Ўзбекистонга келганимдан хурсандман. Mамлакатингизда инсонийлик, меҳр-оқибат биринчи ўринга қўйилар экан” - деди непаллик мураббий.

Tадбир давомида Ўзбекистон давлат жисмоний тарбия ва спорт университети ҳамда Непал оғир атлетика терма жамоаси ўртасида ҳамкорлик меморандуми имзоланди. Унга кўра, энди томонлар биргаликда қўшма ўқув-машғулот йиғинлар олиб борадилар, ўзаро фикр алмашадилар. 

Учрашув якунида Непаллик меҳмонлар учун эсдалик совғалари тақдим этилди. Сўнгра университетнинг оғир атлетика залида ҳар икки томон спортчилари ўртасида мастер-класс кўринишидаги ўртоқлик баҳслари ташкил қилинди. Унда атлетлар ўз маҳоратларини намойиш этиб, тажриба алмашиш имкониятига эга бўлдилар.